பூக்களின் பருவ நிலைகள்

 பூவின் பருவ நிலைகள் 

    

பூவின் நிலைகளை தமிழ் சொல்லும் தேனை சுவைத்துப் பாருங்கள்.. இதனை திருமுறைகளுடன் ஒப்பிட்டு பாருங்கள்.. திருமுறை ஒப்பீட்டுச் சிந்தனை தனிப்பதிவாக பதிவிடப்பட்டு உள்ளது.

வ எண்	நிலை	விளக்கம்
1	அரும்பு	- அரும்பும் (தோன்றும்) நிலை
2	நனை	- அரும்பு வெளியில் நனையும் நிலை
3	முகை	- நனை முத்தாகும் நிலை
4	மொக்குள் -	"முகை மொக்குள் உள்ளது நாற்றம்"  - திருக்குறள் (நாற்றத்தின் உள்ளடக்கம்
5	முகிழ்	- மணத்துடன் முகிழ்த்தல்
6	மொட்டு	- கண்ணுக்குத் தெரியும் மொட்டு
7	போது	- மொட்டு மலரும்பொழுது காணப்படும் புடைநிலை
8	மலர்	- மலரும் பூ
9	பூ	- பூத்த மலர்
10,	வீ	- உதிரும் பூ
11	பொதும்பர்	- பூக்கள் பலவாகக் குலுங்கும் நிலை
12	பொம்மல்	- உதிர்ந்து கிடக்கும் புதுப்பூக்கள்
13	செம்மல்	- உதிர்ந்த பூ பழம்பூவாய்ச் செந்நிறம் பெற்று அழுகும் நிலை

 

 கூடுதல் விளக்கம்:

மகரந்த சேர்க்கையிலே மகிழ்வோடு உதிக்கும் நன் மதிபோல தன் முகத்தை முகப்பிலே காட்டும் நிலை "மொக்கு" எனும் நிலை!! 

மொக்கில் தவமிருந்து இதழ்கள் தருவித்து இறுக்கமாய் மூட்டுடன் குவிந்த நிலை "மொட்டு" எனும் நிலை!!

மொட்டில் மருவித்து அகத்தில் இதழ்விரிய ஆரம்ப சூழ்நிலையே "அரும்பு" எனும் நிலை!! 

அரும்பிய நிலைமாறி விரியும் இதழ்கள் மேடிட்ட பரப்பாய் பொங்கி வருதலே "முகிழ்" எனும் நிலை!! 

முகிழ்ந்து எழுந்து விரிந்த இதழ்கள் மணம் பரப்ப எத்தனிக்கும் நிலையே "மூகை" எனும் நிலை!! 

முகையின் வகையாலே காற்றெனும் ஊடகத்தில் மலர்ந்து மணம் கமழும் நிலையே "மலர்" எனும் நிலை!! 

மலரென பெயர்கொண்டு சந்தைக்கு வந்தபின் தானிருக்கும் நிலைகாட்ட நன்கு மலரும் நிலையே "அலர்" எனும் நிலை!!

அலர்ந்து அகன்றபின் காம்பினின்று கழன்று வீழும் நிலையே "வீ" எனும் நிலை!! 

வீ என அலறி வீழ்ந்து பின்னர் தன்னிலை துறந்து வாடி வதங்கிய நிலையே "செம்மல்" எனும் நிலை!!