.அருளாலயம் : ஆத்திச்சூடி

29 மே, 2026

---

61. தெய்வம் இகழேல்

தெய்வத்தை இகழ்ந்து பேசக் கூடாது. "அன்னையும் பிதாவும் முன்னறி தெய்வம்" என்றதால் பெற்றோர்களை மதித்து நடக்க வேண்டும்.

62. தேசத்தோடு ஒத்து வாழ்

நாட்டின் சட்டங்களுக்கு உட்பட்டு மக்களுடன் ஒற்றுமையாகப் பகை உணர்வு இல்லாமல் வாழ வேண்டும்.

63. தையல் சொல் கேளேல்

முடிவு எடுக்கும் போது பலரிடம் ஆலோசனை பெறலாம். ஆனால் அவர்கள் சொல்லிவிட்டார்கள் என்பதற்காகச் சிந்திக்காமல்/ஆராயாமல் முடிவு எடுப்பது நல்லதல்ல.

64. தொன்மை மறவேல்

பழமையை மறத்தல் ஆகாது. அது நட்பாக இருந்தாலும் சரி, நம்மைப் பண்படுத்திய நல் ஒழுக்க நெறியாக இருந்தாலும் சரி.

65. தோற்பன தொடரேல்

தோல்வி தான் இந்தச் செயலுக்கு முடிவு எனத் தெரிந்துவிட்டால் அதையே செய்வதால் என்ன பயன்? எப்போதும் மாற்றுத் திட்டம் (Plan B) வைத்திருக்க வேண்டும்.

66. நன்மை கடைப்பிடி

நன்மை செய்யும் போது அதைத் தடுக்கும் விதமாக இடையூறுகள் வரலாம். ஆனால் நல்வினைகளை விடாது உறுதியோடு செய்ய வேண்டும்.

67. நாடு ஒப்பன செய்

சான்றோர்கள் ஏற்றுக் கொள்ளும் நல்ல காரியங்களை விடாது செய்ய வேண்டும்.

68. நிலையின் பிரியேல்

வாழ்க்கையில் முன்னேற எடுக்கும் முயற்சி வளர்ச்சியை நோக்கியே இருக்கும். அந்த வளர்ச்சியில் இருந்து ஒரு போதும் தாழக் கூடாது.

69. நீர்விளையாடேல்

வெள்ளம் வரும் போது அதை எதிர்த்துப் போராடி விளையாடக் கூடாது. அதுபோல வாழ்க்கையில் துன்பம் வரும் போது அமைதி கொள்ள வேண்டும்.

70. நுண்மை நுகரேல்

Junk food போன்ற விருப்பமான உணவாக இருந்தாலும், அவை நோயைத் தருவன எனத் தெரிந்து அதைத் தவிர்த்துவிட வேண்டும்.

-----

குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.

.அருளாலயம்