வேடர் அடிசில் - one pot meal

Heritage Cafeteria

வேடர் அடிசில் - one pot meal

Place Order

🔙 choose another Item from Menu Card

இடம் பெற்றுள்ள பாடல்

"ஐவன அடிசில் வெவ்வேறு அமைந்தன புற்பாற் சொன்றி மொய் வரைத் தினை மென் சோறு மூங்கில் வன் பதங்கள் மற்றும்
கைவினை எயினர் ஆக்கிக் கலந்த ஊன் கிழங்கு துன்றச்
செய் வரை உயர்ப்ப எங்கும் கலந்தனர் சினவில் வேடர். 12-16-34

செம் தினை இடியும் தேனும் அருந்துவார் தேனில் தோய்த்து
வெந்த ஊன் அயில்வார் வேரி விளங்கனிக் கவளம் கொள்வார்
நந்திய ஈயல் உண்டி நசையொடு மிசைவார் வெவ்வேறு
அந்தமில் உணவின் மேலோர் ஆயினர் அளவிலார்கள்.
12-16-35
— பெரியபுராணம் 12-16-34 & 12-16-35

விரிவான கட்டுரைக்கு

பொருள்: ஐந்து வகை சிறுதானிய அரிசி முதல் இனிப்பு பண்டம் வரை அனைத்தையும் இந்த இரண்டு பாடல்களில் கண்ணப்ப நாயனார் புராணத்தில் பதிவு செய்து இருக்கிறார்.

🍳 இதில் உள்ள உணவு வகைகள்

Ingredients: ஐந்து வகையான அரிசி, மரவள்ளி கிழங்கு, சக்கரைவள்ளி கிழங்கு, தேன் தினைமாவு, விளாம்பழம் .

📸 தேவையான பொருட்கள்

ஐவகை அரிசி 1.மலை அரிசி; 2. வரகு அரிசி; 3. சாமை அரிசி; 4. தினைஅரிசி; மற்றும் 5. மூங்கில் அரிசி.

மரவள்ளி கிழங்கு சதைப்பற்று நிறைந்த கிழங்கு

மரவள்ளி கிழங்கு வெந்தது பார்த்தாலே சாப்பிட தோன்றும்.

சக்கரைவள்ளி கிழங்கு sweet potato.

விளாம்பழம் wooden apple

தேன் மலை/காட்டுத் தேன்

🍳 🍽செய்முறை விளக்கம்

1. ஒவ்வொரு அரிசி வகையும் தனித்தனியாக சமைக்க வேண்டும். காரணம் ஒவ்வொன்றின் பக்குவபடும் நிலை வேறு; வரகு, சாமை தினை இவை சீக்கிரம் வெந்து விடும்; மூங்கில் அரிசி வெந்து சோறு ஆக நேரமாகும்; மலை அரிசி கடின தன்மை இருப்பதால் ஊற வைத்து சமைக்க வேண்டும்.

1. தினை அரிசியை சுத்தம் செய்து வறுத்து பொடியாக்கி அதனுடன் தேன் கலந்து பிசைந்து லட்டு போல உருட்டி சாப்பிட தந்தால், சுவை அமிர்தமாக இருக்கும். தேன் கிடைக்கும் வாய்ப்பு இல்லை என்றால், நாட்டு சர்க்கரை அல்லது கருப்பட்டி சேர்த்துக் கொள்ளலாம். லட்டு பிடிக்க நெய் சேர்த்துக் கொள்ளலாம்.


2. மரவள்ளி கிழங்கு வேக நேரம் எடுக்கும் என்பதால் கிழங்கை கழுவி, தோல் சீவி, தோல்களை மூங்கில் அரிசியுடன் சேர்த்து வேக வைக்கலாம். வேலை சுலபமாக முடியும்.


3. அடுப்பின் சூட்டில் சர்க்கரைவள்ளி கிழங்கை (sweet potato) வைத்து சுட்டு, தோலை உரித்து அதனை தேனுடன் சேர்த்து தோய்த்து சாப்பிடலாம். தேன் வாங்க வாய்ப்பு இல்லை என்றால், வெல்லத்தை பாகு வைத்து அதில் ஊற வைத்து சாப்பிடலாம்.


4. கனிந்த விளாம்பழத்தை உடைத்து, அதில் உள்ள சதைப்பற்று (pulp) எடுத்து அதனை தேனுடன் கலந்து பிசைந்து கவளம் கவளமாக (வாயில் கொள்ளும் அளவுக்கு உருண்டையாக)உருட்டி பரிமாறலாம். தேன் சேர்க்க வாய்ப்பு இல்லை என்றால், நாட்டு சர்க்கரையுடன் சேர்த்து பிசைந்து உருட்டி வைக்கலாம்.
5. நகர் புறத்தில் உள்ளவர்கள் என்பதால், ஐவகை அரிசியையும் ஒன்றாக சேர்க்காமல் ஒரு நாளைக்கு ஒருவித அரிசியாக சமைத்து சாப்பிடலாம். அத்தனையும் சத்து நிறைந்தது. ஆரோக்கியம் தர வல்லது.

🖋குறிப்பு : நீங்கள் சிறுதானிய அரிசி சமைத்து சாப்பிடுபவர்களா..? தினமும் ஒரு அரிசியை சமைத்து பாருங்கள். ஆரோக்கியம் தானே வரும். விரிவான விளக்கமான கட்டுரைக்கு இணைப்பில் உள்ள linkயை click செய்து படித்து/ ஆடியோவில் கேட்டு பயன் பெறுங்கள்.

🚫Anti-Junk Alert: Say absolutely NO (atleast to craving) to modern chemical-laden instant noodles and fried carbohydrate snacks.

⚠️ குறிப்பும் எச்சரிக்கையும் (Kitchen Notes)

• Reality Check: The image shown above is for illustrative representation only; your final home-prepared output may naturally vary in texture and appearance.
• Serving Portion: The ingredient measurements given here are tailored as a base hint for 2 persons. Please scale the quantities up or down proportionately according to your family's needs and personal taste.
• நினைவில் கொள்ள வேண்டியது: அளவான உணவே இனிமையான முதுமைக்கு பக்க பலம். அதனால் உணவில் கவனமாக இருக்க வேண்டும்.

🔙 Order Next Item from Menu Card