திருக்களிற்றுப்படியார் - 10 (71-80)

௨

திருக்கடவூர் உய்ய வந்த தேவநாயனார் அருளிச்செய்த

திருக்களிற்றுப்படியார்

தகவல் பலகை	விவரம்
நூல் பெயர்	திருக்களிற்றுப்படியார்
நூல் ஆசிரியர்	திருக்கடவூர் உய்ய வந்த தேவநாயனார்
காலம்	12ம் நூற்றாண்டு

---

கொல்கரியின் நீற்று அறியின் நாஞ்சில் கொலை தவிர்தல் கழலே மிதிப்பாய் கடல் நீந்தல் - நல்ல மருவார் மறைக்காட்டில் வாசல் திப்பித்தல் திருவாமூர் ஆளி செயல் (71)

திருவாமூர் அரசர் திருநாவுக்கரசர் அருளிச் செய்தன யாவும் இறைவனின் அருளிப்பாடுகளே ஆகும்.

மோகம் அறுத்திடின் நாம் முத்தி கொடுப்பது என ஆகமங்கள் சொன்ன அவர் தம்மைத் - தொகையார்பால் தூதாக போக விடும் வான் தொண்டன் தொண்டுகளை ஏதாகச் சொல்லுவேன் யான் (72)

வன்தொண்டராகிய சுந்தரர் அருளிச் செய்தன யாவும் இறைவனின் அருளிப்பாடுகளே ஆகும்.

பாய்பரியேற அந்தப் பரமானந்தப் பயனைத் தூய திருவாய் மலரால் சொல் செய்து - மாயக் கருவயத்தை யாம் அறியாவாறு செய்தான் கண்டாய் திருவாதவூர் ஆளும் தே (73)

திருவாதவூர் எனும் தலத்தில் அவதரித்த மாணிக்கவாசகர் அருளிச் செய்தன எல்லாம் இறைவனின் அருளிப்பாடுகளே ஆகும்.

அம்மையிலும் இம்மையிலும் அச்சம் தவிர்த்து அடியார் எம்மையுமாய் எங்கும் இயங்குதலான் - மெய்மைச் சிவயோகமே யாகம் அல்லாத யோகம் அவயோகம் என்றே அறி (74)

சிவயோகத்தை உடையவர்களாக இருக்கும் சீவன் முத்தர்கள் இம்மை மறுமை வரும் துன்ப உணர்வுகளைப் போக்குவார்கள்.

மன்னன் அருள் எவ்வண்ணம் மானுடர் பால் மாணவக அன்னவகையே அரண் அருளும் - என்னில் அடியவரே எல்லாரும் ஆங்கு அவர் தாம் ஒப்பில் அடியவரே எல்லாம் அறி (75)

இறைவன் திருவருள் வழி நின்று தற்செயல் அடங்கி ஒழுகும் ஆன்மாக்களைச் சிறப்புடைய அடியார்களாக்கி அவர்களுக்கு முத்திப் பதங்களை வழங்கி அருள்கிறான்.

உடம்புடைய யோகிகள் தாம் உற்ற சிற்றின்பம் அடங்கத்தம் பேரின்பத் தாக்கத் - தொடங்கி மூலைப்பதும் ஒன்று இல்லை முடிவதும் ஒன்று இல்லை இளைப்பதும் ஒன்று இல்லை இவர் (76)

உலகமுகப்பட்டு மாயா காரியங்களால் ஆகிய உடம்போடு கூடி வாழும் நிலையிலும் சீவன் முத்தர்கள் சிவ உணர்வோடு தன் உணர்வு அற்று இருப்பதால் இவ்வுலக இன்ப துன்பங்கள் அவர்களைப் பாதிப்பது இல்லை.

பேரின்பமான பிரமக்க கிழத்தியுடன் வரின்பதது உள்ளானை உள்ளபடி - பேரின்பம் கண்டவரே கண்டார் கடல் உயிர்த்த இன்னமுதம் உந்தவரே உண்டார் சுவை (77)

சிவ பெருமானை பிரிவு அறக் கலந்து அவனது அருள் இன்பத்தில் உள்ளவரே பேரின்பத்தை நுகர்வார்.

நம் கையினான் நாம் அனைத்தும் செய்தார் போல் நாடனைத்தும் நங்கையினால் செய்து அளிக்கும் நாயகனும் - நங்கையினும் நம்பியாய்த் தாள் நடுவே நாட்டப் பெறும் இதும் காண் எம் பெருமானார் தம் இயல்பு (78)

உயிர்களின் பொருட்டு, சிவ பெருமான் ஐந்தொழில்களைச் சத்தியினைக் கொண்டே செய்கிறான்; சிவனும் அருளும் ஒன்றே ஆகும்.

பொன்நிறம் கட்டியினும்பூணி னும் நின்றாற் போல் அந்நிற அந்நாளும் அம்பிகையும் - செந்நிறத்தள் எண்ணிறத்தளாய் இருப்பாள் எங்கள் சிவபதியும் அந்நிறத்தனா இருப்பான் ஆங்கு (79)

சிவவனைப் போலவே சத்தியாகிய திருவருளும் பிரியாமல் எங்கும் நிறைந்திருக்கிறது.

தாரத்தோடு ஒன்றாவர் தாரத்து ஓர் கூறு ஆவர் தரத்தோடு எங்கும் தலை நிற்பர் - தாரத்தின் நாதாந்தத்தே இருப்பர் நல் தானத்தே இருப்பர் வேதாந்தத்தே இருப்பர் வேறு (80)

சிவ பெருமான் தன் நிலையில் சிவமாகவும் உயிரின் வழியில் சத்தியாகவும் நிற்கிறான்; இதுவே சிவசத்தியின் இயல்பு ஆகும்.

-----