திருக்களிற்றுப்படியார் - 9 (61-70)

௨

திருக்கடவூர் உய்ய வந்த தேவநாயனார் அருளிச்செய்த

திருக்களிற்றுப்படியார்

தகவல் பலகை	விவரம்
நூல் பெயர்	திருக்களிற்றுப்படியார்
நூல் ஆசிரியர்	திருக்கடவூர் உய்ய வந்த தேவநாயனார்
காலம்	12ம் நூற்றாண்டு

---

செய்தற்கு அரிய செயல் பலவும் செய்து சிலர் எய்தற்கு அரியாதனை எய்தினார்கள் - ஐயோ நாம் செய்யாமை செய்த செயல் அருக்கலாய் இருக்கச் செய்யாமை செய்யாத வாறு (61)

சிவானுபவம் பெறுதற்கு உரிய எளிய வழி தன் முனைப்பு இல்லாமல், இறைபணி நிற்றல் ஒன்றே ஆம்.

இப்பொருள்கள் யாதேனும் ஏதேனும் ஒன்று செய்தல் எப்பொருளும் செய்யாது வழிநதிருத்தல் - மெய்ப் பொருளைக் காந்திருத்தல் செய்யாதே கண்ட மனிதர் ஏழாம் உந்திருப்பது என்னோ உரை (62)

உலக போகங்களை துய்ப்பதில் காலத்தை போக்காமல், சிவப்பணிகளில் (குருலிங்க சங்கம வழிபாடு) ஈடுபட வேண்டும்.

வீட்டிலே சென்று வினை ஒழித்து நின்றிடடில் என் நாட்டில் நல்வினைகள் செய்திடீல் என் - கூட்டில் வாள் சாத்தியே நின்றில்லை யேல் தக்கனார் வேள்வி செய்த மாத்திரமே ஆம் கண்டாய் வந்து (63)

தன் முனைப்புடன் நல்லன செய்தாலும் பயன் உண்டோ?

ஆன்ம போதத்தை நீக்கி அடங்கி நிற்காமல் போனால் எந்த பயனும் இல்லை.

சிவன் முதலே அன்றி முதல் இல்லை என்றும் சிவனுடையது என் அறிவு என்றும் - சிவன் அவனது என் செயல் ஆதாக்கின்றது என்றும் இவையிற்றைத் தன் செயலாக் கொள்ளாமை தான் (64)

இறைவன் திருவருளினாலே இயங்கும் நமது அறிவு, இச்சை, செயல்களைத் தமது திறமையால் நடத்துகிறோம் என்று எண்ணுவது தன்முனைப்பே ஆகும்.

அது நீங்கி எல்லாம் சிவன் செயல் என வாழ்வதே மனிதப் பிறவியின் பயன்.

இன்று இச் சமயத்தின் அல்லது மற்று ஏழையுடன் ஒன்று சோளி மன்றத்து நின்றவர் ஆர் - இன்றிங்கே அங்கம் உயிர் பெறவே பாடும் அடியவர்கள் எங்கும் இலை கண்டாய் இது (65)

சைவ சமயத்தின் சிறப்பை உணர்ந்து ஒழுக வேண்டும்.

இறந்தவர் மீண்டு எழுவதும், ஊமைப் பெண் பேசுவதும் அற்புதம் அல்லவா.

விரிந்தும் குவிந்தும் விழுங்குவார்கள் மீண்டும் தெரிந்தும் தெரியாதும் நிற்பர் - தெரிந்தும் தெரியாது நிற்கின்ற சேயிழை பால் என்றும் பிரியாது நின்றவனைப் பெற்று (66)

சீவன் முத்தர்கள் தம் உணர்வை உலக பொருள்களில் புறத்தே செலுத்தாமல் அகத்தே சிவத்தை பொருந்தி நின்று பேரின்பத்தை துய்த்த வண்ணம் இருப்பார்.

ஆதனமும் ஆதனியுமாய் நிறைந்து நின்றவனைச் சேதனைக் கொண்டே தெளிவுற்றச் - சேதனைச் சேதனனி லே செலுத்திச் சிற்பரத்தராய் இருப்பர் ஏதம் அறக் கண்டவர்கள் இன்று (67)

சீவன் முத்தர்கள் ஞானத்தில் மேலாகிய நிலையில் சிவமாகியே நிற்பர்.

உடம்போடு கூடிய இம்மையிலும் மறைப்பாற்றலால் மறைக்கப்படாமல் அருளாற்றல் கொண்டு நிற்பர்.

தாம் அடங்க இந்த தலம் அடங்கும் தாபதர்கள் தமுனரில் இந்தத் தலம் உணருந் - தாம் முனியில் பூமடந்தை தங்காள் புகழ் மடந்தை போய் அகலும் நாமடந்தை நில்லால் நயந்து (68)

சீவன் முத்தர்கள் சிவ பரம்பொருளில் ஒன்றி இருப்பார்.

துரியம் கடந்த சூடாரத் தொகையுடன் என்றும் பிரியியயாதே நிற்கின்ற பெம்மான் - தூரியத்தைச் சாக்கிறத்தே செய்து அருளித் தான் செய்யும் தன்மைகளும் ஆக்கியிடும் அன்பருக்கு அவன் (69)

சிவ சிந்தனையில் இருக்கும் சிவ ஞானிகளாகிய சீவன் முத்தர்களுக்கு இவ்வுலகில் வாழும் போதே சிவபோகத்தை தந்து திருவருட் செயல்களை உடனாய் நின்று செய்விப்பான்.

ஓடம் சிவிகை உலவாக்கிழி அடைக்கப் பாடல் பனை தாளம் பாலை நெய்தல் - எடு எதிர் வெப்பு என்புக்கு உயிர் கொடுத்தால் ஈங்கு இவை காண் ஓங்கு புகழ்த் தென்புகலி வேந்தன் செயல் (70)

புகலி வேந்தர் திருஞான சம்பந்தர் அருளிச் செய்தன யாவும் இறைவனின் அருளிப்பாடுகளே ஆகும்.

-----