06. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	அறியும் நெறி

💡 ஆறாவது அதிகாரம்: - பாடல்கள் 51-60

நீடும் இருவினையும் நேராக நேராதல்

கூடும் இறை சத்தி கொளல் (51)

பிறவி நல்வினையாலும் உண்டு. தீவினையாலும் உண்டு. விருப்பும் வெறுப்பும் இன்றி சமமாக காணும் நிலை(இருவினை ஒப்பு)யில் தான் இறைவனின் அருள் சக்தி (சத்திநிபாதம்) கூடும்.

ஏகன் அநேகன் இருள் கருமம் மாயை இரண்டு

ஆக இவை ஆறு ஆதி இல் (52)

அனாதியான பொருள்கள் ஆறு. இறைவன், உயிர்கள் ஆணவம் கன்மம், சுத்தமாயை, அசுத்தமாயை.

செய்வானும் செய்வினையும் சேர் பயனும் சேரப் பவனும்

உய்வான் உளன் என்று உணர் (53)

ஆன்மாவை மலத்தில்இருந்து நீக்கும் பொருள்- ஆன்மா, வினை, வினைப்பயன் இறைவன் என்பன.

ஊன் உயிரால் வாழும் ஒருமைத்தே ஊனோடு உயிர்

தான் உணர்வோடு ஒன்றாம் தரம் (54)

உடலுக்குள் உயிர் உள்ளதை உடல் உணர்வதில்லை. ஆன்மாவுக்குள் சிவம் உள்ளதை உயிர் உணர்வதில்லை.

தன் நிறமும் பல் நிறமும் தானாம் கல் தன்மை தரும்

பொன் நிறம் போன் மன் நிறம் இப் பூ. (55)

ஆன்மாவை இரட்சிக்கும் இறைவன் அந்த அந்த ஆன்மாவுக்கு ஏற்றார் போல அருள் செய்து அத்தனையும் கடந்து நிற்பர்.

கண் தொல்லை காணும் நெறி கண் உயிர் நாப்பண் நிலை

உண்டிலை அல்லது ஒளி (56)

இறைவனுக்கும், உயிர்க்கும் நடுவே திருவருள் துணையாகிய ஞானம் இருந்தால் ஒழிய ஆன்மா கடவுளை காண முடியாது.

புன் செயலி னோடும் புலன் செயல் போல் நின் செயலை

மண் செயல் அதாக மதி (57)

ஆன்மாவின் செயல்கள் தன் செயலாக நினைத்தால் ஆகாமியம் (வருவினை)கூடும் அதனை சிவன் செயலாக நினைத்தால் பாச சம்பந்தம் இல்லாமல் ஆகாமியமாவது இல்லை.

ஓராதே ஒன்றையும் உற்று உண்ணாதே நீ முந்திப்

பாராதே பார்த்தனைப் பார் (58)

உலக பொருள்களை போல ஞானம் எப்படி வரும் என்று ஆராய்ச்சி செய்ய தேவையில்லை. உயிர் பக்குவம் அடையும் போது அது தானாக வரும். அப்போது அதை உணரலாம்.

களியே மிகு புல மாய்க்கருதி ஞான

ஒளியே ஒளியா ஒளி (59)

தண்ணீருக்குள் இருப்பவருக்கு வெளியில் உள்ள பொருள் தெரியாது போல, ஞானத்துள் மூழ்கி இருப்பவருக்கு உலக பொருள் தோன்றாது.

கண்டபடியே கண்டு காணாமை காணாமல்

கொண்டபடியே கொண்டு இரு (60)

அறியாமை வசப்படாமல், ஞானம் கூடியதும், ஞானதிலேயே இருப்பாயாக.