07. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	உயிர் விளக்கம்

💡 ஏழாவது அதிகாரம்:  - பாடல்கள் 61-70

தூ நிழல் ஆர்தற்கும் ஆரும் சொல்லார் தொகும் இது போல்

தான் அத்துவாய் நிற்கும் தரம் (61)

மலமாயைகளில் துன்புற்றவன், இருவினை ஒப்பு வந்த வேளையில் இன்புறுவது இயல்பு.

தித்திக்கும் பால் தானும் கைக்கும் திருந்திடும் நாப்

பித்தத்தில் தான் தவிர்ந்த பின் (62)

அறியாமை தரும் ஆணவமலம் துன்பம் தரும். (மறைப்பாற்றல்) ஆணவம் நீங்கியதும் இன்பத்தை தரும் (அருலாற்றல்).

காண்பான் ஒளி இருளில் காட்டிடவும் தான் கண்ட

வீண் பாவம் எந்நாள் விடும் (63)

ஆணவமலத்தால் அறியாமையில் உள்ள ஆன்மாவுக்கு திருவருளே துணை செய்து ஞானத்தை காட்டுகிறது. ஆனால், ஆன்மா தானே கண்டதாக நினைக்கிறது. இதுவே மீண்டும் பிறவிக்கு ஏதுவாகும்.

ஒளியும் இருளும் ஒருமைத்துப் பன்மை

தெளிவு தெளியார் செயல் (64)

அருள் சிவத்தை காட்டி உலகை மறைக்கும். ஆணவம் உலகை காட்டி சிவத்தை மறைக்கும். தெளிவின்மையில் இருந்து தெளிவை நோக்கி நகர வேண்டும்.

கிடைக்கத் தகுமோ நல் கேண்மையார்க்கு அல்லால்

எடுத்துச் சுமப்பானை இன்று (65)

தன்னை அடைந்தார்களின் வினைகளையும் வினைப்பயன் களையும் தீர்த்து அருள்வது சிவபெருமானின் கடமை யாகும். திருவருளை சார்ந்து இருப்பவர்களுக்கு வினை களை சுமக்க கடவுள் எளிதில் தோன்றுவான்.

வஞ்சமுடன் ஒருவன் வைத்த நிதி கவரத்

துஞ்சினனோ போயினனோ சொல் (66)

திருவருளின் வழியில் நின்று ஒழுகினால் அன்றி வேறு எந்த வழியாலும் பேரின்பத்தை பெற முடியாது.

தனக்கு நிழல் இன்றாம் ஒளி வரும் தம்பம்

எனக்கவா நில்லாது இருள் (67)

திருவருள் ஆன்மாவை வசப்படுத்தும் போது, ஆணவமல இருள் தோன்றாது. எல்லாம் சிவமாய் தோன்றும்.

உற்கை தரும் பொற்கை உடையவர் போல் உண்மைப்பின்

நிற்கை அருளார் நிலை (68)

சிவத்தை காண அருளை முன் நிறுத்தி தாம் பின்னே நிற்க வேண்டும். திருவருள் இன்றி, தன் அறிவை கொண்டு சிவத்தை காண முடியாது.

ஐம்புலனால் தான் கண்டது அன்றாள் அது ஒழிய

ஐம்புலன் ஆர் தாம் ஆர் அதற்கு (69)

சிவத்தை அறிய முடியுமா? - முடியும். ஐம்புலன்களால் அல்ல, திருவருளால் மட்டுமே முடியும். சிவ பெருமான் பொறி புலன்களை கடந்து நிற்பவன்.

தாமே தரும் அவரைத் தம் வழியினால் கருத்தால்

ஆமே இவர் ஆர் அதற்கு (70)

விளையாட்டு போட்டியில் பதக்கம் கிடைத்தால் பதக்கத்தை பெறத்தான் முடியும் எடுத்துக் கொள்ள முடியாது. திருவருள் ஆன்மாவுக்கு பேரின்பத்தை தருவது, திருவருளால் அன்றி உயிர் பெற்றதாகாது.