08. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்ங்கள்	இன்புறு நிலை

💡 எட்டாவது அதிகாரம்: - பாடல்கள் 71-80

இன்புறுவார் துன்பார் இருளின் எழும் சுடரின்

பின் புகுவார் முன் புகுவார் பின் (71)

இருளை கடக்கும் முயற்சியில், விளக்கை முன் வைத்து நடந்தால் பாதை தெளிவாகும். பின் வைத்து நடந்தால் இருளே வழி காட்டும். தம்மை மறந்து திருவருளை நினைந்து இருப்பவரே பேரானந்தம் அடைவர்.

இருவர் மடந்தையாருக்கு என் பயன் இன்புண்டாம்

ஒருவன் ஒருத்தி உறின் (72)

உயிர் சிவனோடு சேர்வதே பயனுடையதாகும். ஜீவன் சிவமாக வேண்டும்.

இன்பு அதனை எய்துவார்க்கு ஈயும் அவற்கு உருவம்

இன்பதனம் ஆதலினால் இல் (73)

குறைவில்லா நிறைவுடைய இறைவன், தன்னை அடைந்தவருக்கு பேரின்பத்தை அள்ளித் தருவான். அந்த ஆனந்தத்தை அனுபவிக்கும் ஆன்மாக்களிடம் இருந்து அவன் ஆனந்தம் அடைவதில்லை.

தாடலை போல் கூடி அவை தான் நிகழா வேற்றின்பக்

கூடலை நீ ஏகம் எனக் கொள் (74)

சிவனும் சீவனும் சேர்ந்து ஏகமாக நிற்க வேண்டும். இதனை அத்துவிதம் என்க . இரண்டல்ல ஒன்று.

ஒன்றாலும் ஒன்றாது இறந்தாலும் ஓசை எழாது

என்றால் ஒன்று அன்று இரண்டும் இல் (75)

முத்தி நிலையில் ஆன்மா சிவத்தில் கலக்கும் போது, சிவத்திற்கு வேறு அற நின்று சிவத்துக்கு அடியமையாக நிற்கும். பெத்தத்தில் ஆன்மா ஆணவத்தை சார்ந்தும் முத்தத்தில் சிவத்தை சார்ந்து சிவமாய் நிற்கும்.

ஊற்றாரும் பெற்றாரும் ஓவாது உரை ஒழியப்

பற்றாரும் அற்றார் பவம் (76)

சிவ ஆகமங்களில் சொல்லப்பட்ட நெறி முறைகளை கடைப்பிடித்து ஒழுகுபவர்களுக்கு மறு பிறப்பு இல்லை.

பேய் ஒன்றும் தன்மை பிறக்கும் அளவும் இனி

நீ ஒன்றும் செய்யாது நில். (77)

சிவானுபூதி பெற்றவன், அறிவும் தொழிலும் இன்றி சிவமாய் நிற்பான். இது சீவசமாதி .

ஒண் பொருள்கண் உற்றார்க்கு உறு பயனே அல்லாது

காண்படுப் போர் கைப் பொருள் காண் (78)

ஞானம் பெற்றவர்களுக்கு ஞான பயிற்சிகளே இன்பம். தானாகவே ஞானிகளுக்கு சமய ஆச்சாரங்கள் விலகி விடும்.

மூன்றாய தன்மை அவர் தம்மீன் மிக முயங்கித்

தோன்றாத இன்பம் என் சொல். (79)

முத்தி நிலையில் ஆன்மா சிவத்தை காணும் போது, காண்பவன், காட்சி, காட்சிப் பொருள்(ஞாதுரு, நேயம், ஞானம்) என தோன்றாத பேரின்பமே ஆகும்.

இன்பில் இனிது என்றல் இன்று உண்டேல் இன்று உண்டாம்

அன்பு நிலையே அது. (80)

இன்பங்களில் சிறந்தது முத்தி இன்பமே. அது அன்பு மிகுந்தவரிடத்தில் அருள் நிறைந்து இருக்கும், அதனால் அது முளைத்து நிற்கும்.