09. திருவருட்பயன்

   

       

௨ 

       

உமாபதி சிவாச்சாரியார் அருளிச்செய்த

       

திருவருட்பயன்

                                                                                             

தகவல் பலகை	விவரம்
நூல் பெயர்	திருவருட்பயன்
நூல் ஆசிரியர்	உமாபதி சிவாச்சாரியார்
அதிகாரம்	ஐந்தெழுத்து அருள் நிலை

💡 ஒன்பதாவது அதிகாரம்:  - பாடல்கள் 81-90

அருள் நூலும் ஆரணமும் அல்லாதும் ஐந்தின்

பொருள் நூல் தெரியப் புகின் (81)

ஆகமும், வேதமும், உபாகமும் ஐந்தெழுத்தின் பொருளையே உணர்த்துகின்றன.

இறை சத்தி பாசம் எழில் மாயை ஆவி

உற நிற்கும் ஓங்காரத்து உள் (82)

சிவம் திருவருள், மலம், மறைப்பாற்றல்(திரோதான சத்தி), ஆன்மா, இவ் ஐந்தும் ஓங்காரத்தில் பொருந்தி நிற்கும்

ஊன நடனம் ஒரு பால் ஒரு பாலாம்

ஞான நடம் தான் நடுவே நாடு (83)

ஆன்மாவிற்கு பிறப்பை தரும் திரோதானமும், முத்தியை தரும் சிவமும் சத்தியுமாக ஆன்மாவுக்கு இருபுறமும் இருந்து ஊண நடனமும், ஞான நடனமும் செய்கிறது. ("சிவ" - ஞான நடனம் "ய"-ஆன்மா; "நம" - ஊன நடனம்)

விரியமந மேவி யவ்வை மீளவிடா சித்தம்

பெரியாவினை தீரில் பெறும். (84)

திரோதான சத்தி, மலத்தை சார மலம் முயற்சி செய்ய ஆன்மாவை அவ்விரண்டும் பிறவியில் அழுத்தும். இது பெத்த நிலை. ஆன்மாக்கள் தம்முடைய திருவருட் சத்தியின் முயற்சியால் சிவத்தை அடையும். இது முத்தி நிலை. இவ்விரண்டும் ஐந்தெழுத்தில் உள்ளன.

மாலார் திரோதம் மலமுதலாய் மாறுமோ

மேலாக மீளா விடின் (85)

எண்ணுவதையே அடைவோம் என்பதாலே பிறவியில் அழுத்தும் திரோதானத்தை (நம) முன்வைத்து ஓதினால் பிறவி கிட்டும். சிவத்தை முன்நிறுத்தி ஓத வேண்டும் என புரிந்து கொள்ள வேண்டும்.

ஆராதி ஆதாரம் அந்தோ அது மீண்டு

பாராது மேல் ஓதும் பற்று (86)

முத்தியை வேண்டுபவர்கள் “சிவாயநம” என ஓதுக. “நமசிவாய” மீண்டும் பிறவியை ஏற்படுத்தும்.

சிவமுதலே ஆமாறு சேரு மேல் தீரும்

பவம் இது நீ ஓதும் படி (87)

ஜபிக்கும் போது, சிவத்தை முன்நிறுத்தி ஓதினால் ஆணவத்தை வலி குன்ற செய்து, ஆன்மாவை இறையோடு சேர்க்கும் சாதானமாகும். முத்தி கிடைக்கும்.

வாசி அருளி அவை வாழ்விக்கும் மற்றதுவே

ஆசில் உருவமுமாம் அங்கு (88)

முத்தி நிலையில் ஆன்மாவுக்குஎந்த உடலும் கிடையாது. ஆயினும் ஆன்மா திருவருளையே மேனியாக கொண்டு இருக்கும்.

ஆசில் நவா நாப்பண் அடையாது அருளினால்

வாசியிடை நிற்கை வழக்கு. (89)

“சிவாயநம” வீடு பேறு என்னும் முத்தியை தரும். முத்தி நிலை வேண்டுவோர் இப்படியே ஓதி பழகுக. ("ந"-திரோதானம் "வ"- சிற்சத்தி "ய"-ஆன்மா)

எல்லா வகையும் இயல்பும் இவன் அகன்று

நில்லா வகையை நினைந்து (90)

வேதாகமங்களின் சொல்லப்பட்ட விதிப்படி வாழ்வதுடன், திருவருளின் துணையும் அமையும் போது, முத்தி கிட்டும்.