கொடிக்கவி - கேள்வி தாள்

💡 கேள்வி பதில்கள் - திரு உந்தியார்`

🙋 கொடிக்கவி என்ற சாத்திர நூலை அருளிச் செய்தவர் யார் ?

• மெய்கண்ட சிவத்தின் மாணவர் 
• அருள்நந்தி சிவாச்சாரியார்
• அருள் நந்தி சிவாச்சாரியாரின் மாணவர் 
• இந்த நூலை அருளிச்செய்த 
• உமாபதி சிவாச்சாரியார்.

🙋‍♀️ ஆணவ மலமும் திருவருளும் இருக்கும் இடம் எது ?

• இருளாகிய ஆணவ மலமும் 
• ஒளியாக விளங்கும் திருவருளும் இருக்கும் இடம் 
• பாசத்தால் கட்டப்பட்ட பசு எனும் "உயிரே".

🙋‍♂️ அநாதி பொருள்கள் என்று உமாபதி சிவம் கூறுவது எத்தனை ? அவை யாவை ?

அநாதி பொருள்கள் என்று உமாபதி சிவாச்சாரியார் கொடிக்கவி பாடல் 2 ல், 

• இறைவன் 
• அருள் 
• உயிர்
• ஆணவம்
• மாயை 
• கன்மம் 

எனும் ஆறு பொருள்களும் அநாதியே என்று பதிவு செய்கிறார். 

🧏 உயிர்களுக்குள்ள கருவி கரணங்களைக் கொண்டு இறைவனை காண முடியுமா ?

வகுப்பறையில் இந்த கேள்வியை கேட்ட போது சிலர் முயற்சி செய்தால் முடியும் என்பதில் சொன்னார்கள் அது தவறு. திருமாலும் அயனும் முயற்சி செய்து காண முடியவில்லை என சில மேற்கோள்கள் சொல்லி விளங்க செய்தது.

கருவி கரணங்களைக் கொண்டு அறியும் அறிவு |"நான் அறிந்தேன்" என்று சொல்லக் கூடிய பசு ஞானம்.  பசு ஞானத்தைக் கொண்டு இறைவனைக் காண முடியாது. 

பதி ஞானத்தைக் கொண்டு இறைவனைக் காண முடியும். பதி ஞானம் கைவரப் பெற வேண்டும் என்றால், பசு ஞானம் பதி ஞானம், என பகுத்து சொல்லும், பதிஞானம் கைவரப்பெற்ற ஞானிகளுடன் கூடி நின்று, பக்குவமுடைய ஆன்மாக்கள் பதி ஞானத்தை பெறும். 

🙋‍♂️ திருவைந்தெழுத்து என்பது எது ?

இதன் விளக்கத்தை திருவருட் பயன் பாடத்தில் படித்து இருப்போம். ஒவ்வொரு வகுப்பிலும் இது தொடர்பான சிந்தனை நிச்சயமாக வரும். அதை அந்தெந்த வகுப்பில் தெளிவாக தெரிந்து கொள்ளலாம். 

ஐந்தெழுத்து என்பது ஸ்தூலமாக, சூக்குமமாக அதிசூக்குமமாக என பகுத்து வைக்கப்பட்டு உள்ளது. இந்த நிலையில் எளிதாக புரிந்து கொள்ள 

• நமசிவாய 
• சிவாயநம
• சிவயசிவ 

இவை அனைத்துமே ஐந்தெழுத்து தாம். யார் எதை எப்படி ஓத வேண்டும் என்பதை உங்களுக்கு நம்பிக்கைக்குரிய குருமுகமாக கேட்டு தெரிந்து கொண்டு அதன்படி ஜபிக்கலாம். எப்படி ஜபிக்க வேண்டும் என்பதை ஆர்வம் உள்ளவர்கள்  தனியாக பயிற்சி வகுப்பில் கேட்டுத்  தெரிந்து கொள்ளலாம்.  

🙋‍♂️ பேசும் எழுத்து பேசா எழுத்து  என்பது எது ?

"சிவாயநம" என்பதில் "வா" என்பது பேசும் எழுத்து. இது திருவருளைக் குறிக்கும். "சி" என்பது பேசுதற்கு அரிய சிவ பரம்பொருளைக் குறிக்கும். 

"அந்தியுள் மந்திரம்  அஞ்சு எழுத்துமே". (3-22-2)

என திருஞான சமபந்த மூர்த்தி சுவாமிகளும் 

"திருவாய் பொலியச்  "சிவாய  நம" என்று நீறு அணிந்தேன்" (4-94-6)

என அப்பர் சுவாமிகளும், 

"நானேயோ தவஞ் செய்தேன் "சிவாயநம"  எனப்பெற்றேன் " (8-38-10)

என மாணிக்க வைசாக சுவாமிகளும் 

மற்ற திருமுறை ஆசிரியர்களும், சித்தாந்த ஆசிரியர்களும் அஞ்செழுத்தின் சிறப்பை சொல்லி இருப்பதை தனியாக வரும் சிறப்பு  வகுப்பில் (special class) படிக்கலாம். 

அதனால் தான் தினம் ஜெபிக்கும் போது, அஞ்செழுத்து ஓதும் (கணிக்கும்)போது குருமுகமாக இதனை கேட்டுப் பெற வேண்டும் என சொல்வது உண்டு.