கொடிக்கவி

௨

உமாபதி சிவாச்சாரியார் அருளிச்செய்த

கொடிக்கவி

தகவல் பலகை	விவரம்
நூல் பெயர்	கொடிக்கவி
நூல் ஆசிரியர்	உமாபதி சிவாச்சாரியார்
காலம்	14ம் நூற்றாண்டு

---

ஒளிக்கும் இருளுக்கும் ஒன்றே இடம் ஒன்று மேவிடில் ஒன்று ஒளிக்கும் எனினும் இருள் அடராது உள் உயிர்க்கு உயிராய்த் தெளிக்கும் அறிவு திகழ்ந்து உளதே எனும் திரிமலத்தே குளிக்கும் உயிர் அருள் கூடும் படிக் கொடி கட்டினனே.(1)

திருவருளும் ஆணவ மலமும் இருக்கும் இடம் ஒன்றே ஆகும். அந்த இடம் உயிரே ஆகும்.

உயிரிடத்தில், இருளோ, ஒளியோ எது மிகுந்து உள்ளதோ அதுவே வெளிப்படும். .

முன்வினைப்பயனாக மும்மலத்தில் உயிர்கள் மூழ்கினாலும் உயிர்கள், திருவருளைச் சேர பயிற்சி பெற வேண்டும்..

பொருளாம் பொருள் ஏது? போது ஏது? கண் ஏது? இருளாம் வெளி ஏது ? இரவு ஏது? - அருளாளா நீ புரவா வையம் எலாம் நீ அறியக் கட்டினேன் கோபுர வாசல் கொடி (2)

திருவருளை ஆள்கின்ற சிவபெருமானே, உள் பொருளாக உள்ள

• இறைவன்
• அருள்
• உயிர்
• ஆணவம்,
• கன்மம்
• மாயை

என்னும் ஆறினையும் இல் பொருள் என கருதுபவர்கள் புரிந்து கொள்ளட்டும்.

என திருவருள் சாட்சியாக வைத்து திருக்கோபுர வாசலில் இந்த கொடி ஏற்றினேன்.

வாக்காலும் மிக்க மனத்தாலும் எக்காலும் தாக்கா உணர்வு அரிய தன்மையனை - நோக்கிப் பிறித்து அறிவு தம்மில் பிறியாமை தானே குறிக்கும் அருள் நல்கக் கொடி. (3)

சிவ பெருமான் தன்மையை, வாக்கால், மனத்தால், சிந்தையால், அறிய முடியாது. அறியக் கூடிய உயிராலும் அறிய முடியாது.

பசு ஞானம், பாச ஞானம் என பிரித்து, .

பதி ஞானம் கைவரப் பெற்ற ஞானிகளுடன் கூடி உணர, அருள் நல்க வேண்டி கோடி ஏற்றினேன்.

அஞ்செழுத்தும் எட்டு எழுத்தும் ஆறெழுத்து நாலெழுத்தும் பிஞ்சு எழுத்து மேலைப் பெருவெழுத்தும் நெஞ்சு அழுத்திப் பேசும் எழுத்துடனே பேசா எழுத்தினையும் கூசாமற் காட்டாக் கொடி. (4)

எதையாவது பற்றி நிற்கும் உயிர், நான், எனது என்ற புறப்பற்றினை அறுக்க திருவருள் பற்றினை பற்றிக் கொள்வது ஒன்றே வழியாகும்.

அந்த மலம் அறுத்து இங்கு ஆனமாவைக் காட்டி அதற்கு அந்த அறிவை அறிவித்து அங்கு இந்த அறிவை மாறாமல் மாற்றி மருவு "சிவப்பேறு" என்றும் கூறாமல் கூறக் கொடி.(5)

ஆணவ மலத்தை அறுத்து ஆன்மாவை எப்படி என்று காட்டி அதற்குரிய அறிவை அறிவித்து சகல நிலையில் உள்ள சிற்றறிவை மாறுபாடு இல்லாமல் மாற்றி அதனால் தோன்றும் "சிவமாகிய பேறு" தானே கிடைப்பது கருதிக் கொடி ஏற்றினேன்.

மறு வாசிப்பு 👉🏽 .